الرئيسية / كلمات الأغاني / كلمات خلينا صحاب عمرو حسن كلمات قصيدة عمرو حسن خلينا صحاب

كلمات خلينا صحاب عمرو حسن كلمات قصيدة عمرو حسن خلينا صحاب

كلمات خلينا صحاب عمرو حسن كلمات قصيدة عمرو حسن خلينا صحاب
عمرو حسن – خلينا صحاب / Amr Hassan – Friend Zone
خلينا صحاب من حفل عمرو حسن في ساقية عبد المنعم الصاوى

فيديو خلينا صحاب عمرو حسن :

كلمات خلينا صحاب عمرو حسن :

خلينا صحاب
شايفاك انسان طيب حسّاس
راجل ورقيق
تنفع كصديق ، لكن كحبيب ؟ عمري مافكرت
تستاهل أحسن مني كتير
والله ياواد لاهجيبهالك
عاوزين بقا نفرح بعيالك
وبحبك جداً صدقني وجوايا حاجات
بس احنا اخوات
سِكتِتْ وسكِتت

مشيّت ووقِفتْ

وكإن الدنيا بتتحول اسود بهتان
لون أنا مش عارفه لحد الآن
وكإن فيه خيط مزيكا حزين
طالع من مطرح وقفِتْها
هل حبيتها ؟ أم ان الأمر بحاله سراب
قولتلها : انا رافض نبقى صحاب
ياتكوني معايا يامتكونيليش
سِكتِتْ لحظة .. علشان كانت هي ملاحظة
ان انا مكسور وبهددها
مدت إيدها مسكت ايدي
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب
والصعب حبيبتك تتعاطف علشان تواسيك
فأخدت قرار اني انساها
من يومها وانا بدونها معاها
براقبها بعين عيّل محروم
وباقول ما اطلبش باكلمها
وبفكّر هي بتعرف مين
ضحكتها لمين
وباموت لو كانت بصاله
أصبحنا لاننفع متصاحبين ولا عُدنا صحاب
وبقينا برغم اللي مابيننا

اتنين أغراب

تسعين في المية من الأشخاص المكتئبين
بيحسّوا حنين لقلوب بتحِّن لناس غيرهم
الواحد ضيّع وقت كبير مع ناس مش شاغل تفكيرهم
هذا التفكير الغير صحيّ
هو المتسبب في القهوة
ف عمر خيرت و trio goubran
وف قلب نظام النوم للعكس
وصداع القولون العصبي
تضييع ستاشر ساعة ف شات
ودخولك ف مشاكل وحاجات
وخروجك منك آخر الليل
هتروح لطبيب هيبص عليك
وهيكتبلك أدوية للنوم
ومهدأ ويسيبك تمشي
وهتفضل برضه مابتنامشي
وهيفضل جسمك بيعاندك
كل الموضوع انك عندك
” متلازمة حُب اللي ماحبكش ”
انت معندكش سبب عضوي
يمنع عينك تقفل لساعات
السبب الأصلي ف عدم النوم
انها شايفاكوا اتنين اخوات
بالنسبالها .. هي بتعشق في اللي قَتَلها
واللي ماقدّرش ودخلها ف مساحه كبيرة من الإهمال
بتحب جنونه وعصبيته
وتحب تشوفه بيجرحها
وتحب انه مابيكلمهاش
مع انه مكلم ناس تانيين
وتحب عدم غيرته عليها
وتحب قساوته وهي تلين
بالنسبالها .. عمرك ماهتبقى اللي ف بالها

فافهم ياحزين

واعرف دستور البني آدمين
عمرك بيضيع والوضع وضيع
والعالم أجمل من غيرها
عمرك ماهتيجي ف تفكيرها
مع انك شاغل ناس تانيين
وحاططهم ف القايمة اياها ( خلينا صحاب )
داين تتدان
ومافيش مجروح مابقاش جارح
كله بيبحث على ألمه الخاص
وكإن الحب بدون راحه
وكإن الشوق لازمُه جراحه
علشان مايروحش لناس ببلاش
اعتبره ماجاش
ونصيحة ياريت لو كنتوا صحاب ، خليكوا صحاب
علشان لو قولت على مشاعرك
هتكون بتضحّي بصداقتها
وان فعلاً فعلاً حبيتها
استنى عنيها تقول قبلك
واستنى الشوق فيها يقابلك
وساعتها يجوز تنسى المسافات
فيما عدا ذلك ف انت هتسمع
انا آه حباك بس احنا اخوات .

كلمات خلينا صحاب عمرو حسن كلمات قصيدة عمرو حسن خلينا صحاب

شاهد أيضاً

كلمات اغنية بيت جدتى

كلمات اغنية بيت جدتى محمود العسيلى

كلمات اغنية بيت جدتى محمود العسيلى حيث عرضت الاغنية الجديدة للفنان محمود العسيلى باسم بيت جدتى وحصلت …

كلمات أغنية النفسية محمد الشرنوبي

كلمات أغنية النفسية محمد الشرنوبي

كلمات أغنية النفسية محمد الشرنوبي ، حققت اغنية النفسية للفنان محمد الشرنوبي عدد مشاهدات عالي جداً …

شارك برائيك